Kagaya ng nakagawian, kahit na final episode na, tinapos pa rin ng beteranong TV host ang 25 taon niyang show na nangunguna sa ratings.
Ayon sa Nielsen Co., tinatayang umaabot sa 2.24 million ang nanood sa final episode kahapon ng "Larry King Live."
Natalo umano nito ang palaging lider sa ratings sa cable news sa nasabing timeslot na "Sean Hannity" ng Fox Channel na mayroon lamang 2.16 million viewers.
Napag-alaman na ngayong taon lang ay umaabot sa 672,000 ang average viewers ng show ng beteranong TV host.
Nagretiro si Larry King para mabigyan ng oras ang pamilya. Kahapon naging emosyunal ang TV host sa huling episode ng kaniyang show.
Kabilang sa mga nagbigay ng tribute sa TV host sa huling episode nito ay si dating US President Bill Clinton at mismong si US President Barack Obama. (AP)
SOURCE: bomboradyo.com (December 18, 2010)
